Os albariños Mar de Envero e Troupe, premiados coa Medalla de Ouro no concurso International Wine Awards 2019
18/07/2019
Os albariños da adega Mar de Envero, Troupe e Mar de Envero elaborado sobre lías, recibiron senllas Medallas de Ouro na décima edición do concurso International Wine Awards.
Na nota de cata do concurso, o albariño Mar de Envero elaborado sobre lías descríbese como un viño con «Cor amarela pálida clara, brillante, con toques de ouro. Bágoa forte. Aromas afrutados e florais moi intensos, con toques de mazá, pera, pomelo e herbas aromáticas. Fácil de beber, fresco, saboroso, cunha elegante cremosidade das lías, equilibrado e persistente con tons afrutados. Gran viño con forte personalidade».
Pola súa banda, a nota de cata do albariño monovarietal Troupe fala dun viño «Cor amarela pallosa con tons de verde. Boa intensidade aromática. Presenza de froitas con óso como pexegos e mangos. Toques de pera, maracuxá e casca de lichi. Sutil aroma a pétalos de rosa. Bo ataque, fresco, con boa acidez e un resaibo cítrico equilibrado cun toque de pomelo rosa».
International Wine Awards é un concurso no que participan produtores e adegas dos principais países do mundo. O seu obxectivo é informar aos consumidores e profesionais internacionais sobre a calidade dos viños premiados, fomentando a produción e elaboración de produtos de calidade.
