Os albariños Mar de Envero e Troupe, na revista Vinos y Restaurantes
09/05/2014
A revista Vinos y Restaurantes, referente informativo sobre o panorama vinícola e gastronómico nacional, realiza no seu último número un exhaustivo percorrido polas variedades de uva autóctonas galegas.
Na súa reportaxe, Vinos y Restaurantes afirma que os viños galegos contan cunha personalidade fóra de toda dúbida. A tipoloxía de chans combinada cun clima característico e as variedades autóctonas da zona ofrecen uns viños que se diferencian claramente do resto.
Entre os 12 viños elixidos para ilustrar este artigo, titulado Galicia: un paseo por sus variedades, encóntranse os albariños Mar de Envero elaborado sobre lías e Troupe, da adega de Rías Baixas Mar de Envero.
