Un ano máis, o equipo feminino do Santiago Futsal A Gaiola organizou con éxito o seu Torneo de Nadal, baixo o lema Todo es deporte!, co obxectivo de fomentar a igualdade de xénero e a non violencia.Ademais de celebrarse varios partidos de fútbol sala e actuacións musicais, durante o evento recolléronse 200 kg de alimentos para os servizos sociais do Concello de Santiago e tapóns de botellas de plástico para fins solidarios. Como en edicións anteriores, a adega Mar de Envero quixo estar presente neste evento, achegando o seu viño para que fose sorteado entre todos os asistentes. Dende aquí transmitimos o noso agradecemento aos organizadores, e animámolos a seguir desenvolvendo unha iniciativa tan exemplar.