Os albariños Mar de Envero sobre lías e Troupe, na Guía de Vinos y Aceites 2019
19/09/2019
A Guía de Vinos y Aceites 2019, editada pola revista La Semana Vitivinícola SeVi, valorou os nosos albariños Mar de Envero sobre lías e Troupe con 95 e 94 puntos respectivamente.
Na cata do albariño Mar de Envero sobre lías —colleita 2016— menciónanse as súas notas de «froita branca», describíndoo como «goloso (marmelada de ameixa)», con «matices afumados e de herbas, saboroso en boca, lías cremosas, excelente acidez, finas notas amargosas, con riqueza en matices e excepcional lonxitude e equilibrio».
En canto á colleita 2017 do albariño Troupe, a cata refírese ás súas notas de «froita e flores brancas, ameixas, herbas» e, ademais do seu frescor, destaca a súa «boa acidez, fondo especiado (xenxibre) e cítrico».
A edición 2019 da Guía de Vinos y Aceites contou coa participación de 345 adegas e almazaras, incluíndo 1669 viños e 51 aceites de oliva catados e puntuados, con notas de cata a cargo do xornalista e catador Antonio Casado.
