Os albariños Mar de Envero e Troupe, Medalla de Ouro nos Premios AkataVino CIVAS 2017
03/07/2017
Os albariños da adega de Rías Baixas Mar de Envero, o monovarietal Troupe e Mar de Envero elaborado sobre lías, recibiron senllas Medallas de Ouro nos Premios akataVino CIVAS 2017.
O Concurso Internacional de Vinos AkataVino Sumilleres de España (CIVAS) é o único no que a participación non é aberta, xa que só acceden os mellores viños de España, que reúnen máis de 90 puntos na Guía AkataVino e foron seleccionados polo comité de sumilleres.
Nesta edición analizáronse 5000 viños, dos que foron seleccionados 850 e só 400 accederon á final. As valoracións foron realizadas por un panel de cata integrado por 35 catadores de prestixio, elixidos pola organización do certame.
