Os albariños Mar de Envero e Troupe, premiados no concurso International Wine Guide 2015
22/07/2015
Os viños da adega de Rías Baixas Mar de Envero recibiron senllas medallas no concurso International Wine Guide 2015: o albariño elaborado sobre lías Mar de Envero alzouse cunha Medalla de Ouro, e o albariño monovarietal Troupe foi galardoado cunha Medalla de Prata.
O certame International Wine Guide, organizado e desenvolvido por Catavinum en Vitoria-Gasteiz (España), ten como obxectivo informar aos consumidores e profesionais internacionais sobre a calidade dos viños premiados, fomentando a produción e elaboración de produtos de calidade.